Blog

கொரோனா தொற்றுடையவர்களை விட அதிகமான பிரித்தானியர்களுக்கு தற்போது தடுப்பூசி

கடந்த வெள்ளிக்கிழமை (15 /01 /2021 ) வரை 3,559,179 பிரித்தானிய மக்களுக்கு முதலாவது கொரோனா தடுப்பூசி வழங்கப்பட்டிருப்பதாக தெரியவருகின்றது. இந்த எண்ணிக்கையானது இதுவரை கொரோனா தொற்றுக்கு உள்ளானவர்களை விட 201,818 அதிகம் எனவும் அறியப்படுகின்றது.

இன்று 16 /01 / 2021 மேலதிகமாக 41,346 நோய் தொற்றாளர்கள் அடையாளம் காணப்பட்டிருப்பதுடன் பிரித்தானியாவில் தொற்றுக்குள்ளானவர்களின் எண்ணிக்கை இப்போது 3,357,361 ஆக உயர்ந்துள்ளது

Credit: PA:PRESS ASSOCIATION – சோல்ஸ்பரி தேவாலயம் ஒன்றில் அமைக்கப்பட்ட தற்காலிக தடுப்பூசி மையத்தில் ஊசி வழங்கப்படுகின்றது

கொரோனாவுக்கு எதிரான நோய் தடுப்பு முனைப்பில் நேற்றுமட்டும் 324,233 தடுப்பூசிகள் வழங்கப்பட்டிருப்பது 24 மணிநேரத்தில் வழங்கப்பட்ட அதிக்கூடிய தடுப்பூசிகளாக கணிப்பிடப்படுகிறது.

கொரோனா தடுப்பூசி முன்னுரிமை பட்டியலில் முதல் 4 குழுக்களில் இருக்கும் மக்கள் உள்ளடங்கலாக 13 .9 மில்லியன் பிரித்தானியர்களுக்கு பிப்ரவரி 15 க்கு முன்பாக தடுப்பூசி வழங்கும் இலக்கு நிறைவுக்கு வரும் எனவும் மேலதிக தகவல்கள் தெரிவிக்கின்றன.

பிரித்தானியாவில் டிசம்பர் 8 முதல் ஜனவரி 15 வரை 3,514,385 தடுப்பூசிகள் வழங்கப்பட்டிருப்பதாகவும், இதில் 3,090,058 முதலாவது தடுப்பூசி எனவும் 424,327 இரண்டாவது தடுப்பூசி எனவும் தேசிய சுகாதார சேவைகளின் தரவுகள் தெரிவிக்கின்றன.

Credit: PA:PRESS ASSOCIATION – சோல்ஸ்பரி தேவாலயம் ஒன்றில் அமைக்கப்பட்ட தற்காலிக தடுப்பூசி மையத்தில் ஊசி வழங்கப்படுகின்றது

இத்தோடு வட அயர்லாந்தில் 137,380 தடுப்பூசிகளும், ஸ்காட்லாந்தில் 228,௧௭௧ தடுப்பூசிகளை, வேல்ஸில் 126,504 தடுப்பூசிகளும் இதுவரை வழங்கப்பட்டிருப்பதாக அறியப்படுகின்றது.

நன்றி சன்

Read More
Whatsapp Privacy

வாட்ஸ்அப் சர்ச்சை… மே வரை ப்ரைவஸியில் மாற்றம் இல்லையாம்… ஏன் தெரியுமா?!

வாட்ஸ்அப் அதன் ப்ரைவசி கொள்கைகளையும் பயன்பாட்டு விதிகளையும் மாற்றியமைப்பதாகச் சமீபத்தில் அறிவித்தது. இப்படி தனியுரிமை கொள்கைகள் மாற்றப்படுகிறது எனப் பயனர்களுக்கு பாப்-அப் மெசேஜ் ஒன்றைக் கடந்த வாரம் காட்டியது வாட்ஸ்அப். புதிய ப்ரைவசி கொள்கைகளுக்கு ‘Agree’ கொடுக்கவில்லை என்றால் அடுத்த மாதம் முதல் வாட்ஸ்அப்பை உங்களால் பயன்படுத்த முடியாது என்றது வாட்ஸ்அப். புதிய ப்ரைவசி கொள்கைகளில் தகவல்களைத் தாய் நிறுவனமான ஃபேஸ்புக்கின் மற்ற தயாரிப்புகளுடன் பகிர்ந்துகொள்வோம் என வாட்ஸ்அப் சொல்ல மக்கள் பலரும் அதன் பாதுகாப்பு குறித்து கேள்விகள் எழுப்பத்தொடங்கினர்.

 

வாட்ஸ்அப், ஃபேஸ்புக்தடைசெய்யப்பட வேண்டும் என குரல்கள் எழும் அளவுக்கு பிரச்னை பூதாகரமாக வெடித்திருக்கிறது. மொத்த உலகமும் வாட்ஸ்அப்பிற்கு மாற்றாக என்ன சேவைகள் இருக்கிறது எனத் தேடஆரம்பித்திருக்கின்றனர். சிக்னல், டெலிகிராம் போன்ற சேவைகள் அபார வளர்ச்சியைக் கண்டிருக்கின்றன. இதைட்த்தொடர்ந்து வாட்ஸ்அப், நண்பர்களுக்கும் குடும்பத்தினருக்கும் அனுப்பப்படும் மெசேஜ்களின் ப்ரைவஸி எந்த விதத்திலும் பாதிக்கப்படாது எனத் திட்டவட்டமாகத் தெரிவித்தது. மாறாக பிசினஸ் கணக்குகளுடன் நடக்கும் உரையாடல் குறித்தே புதிய கொள்கைகள் பேசுகின்றன என்றது வாட்ஸ்அப். புதிய ப்ரைவசி கொள்கை பற்றி அதிகம் கேட்கப்படும் சந்தேகங்களை விளக்க பிரத்யேக பக்கம் ஒன்றையும் தயார் செய்திருந்தது வாட்ஸ்அப். செய்தித்தாள்களில் முழு பக்க விளம்பரங்கள் கொடுத்தது. இருந்தும் வாட்ஸ்அப்பின் புதிய ப்ரைவசி கொள்கைகள் குறித்த சந்தேகப் பார்வை போனதாக இல்லை. குழப்பங்கள் கலைந்தபாடில்லை.

புதிய பிசினஸ் வசதிகளை விரைவில் அறிமுகம் செய்யவிருக்கிறது வாட்ஸ்அப். அதற்காகத்தான் அவசர அவசரமாக அதன் ப்ரைவசி கொள்கைகளை மாற்ற முயற்சி செய்துவருகிறது.

இதனால் மே 15-ம் தேதி வரை இந்த புதிய ப்ரைவசி கொள்கைகளை தள்ளிப்போடுவதாக அறிவித்திருக்கிறது வாட்ஸ்அப். புதிய கொள்கைகளுக்கு ‘Agree’ கொடுக்காதவர்கள் பிப்ரவரி 8-ம் தேதிக்கு பிறகும் வாட்ஸ்அப் பயன்படுத்த முடியும் என்றும் தெரிவிக்கப்பட்டிருக்கிறது.

கொள்கைகளில் எந்த மாற்றமும் இருக்கப்போவதில்லை என்பதையும் திட்டவட்டமாகத் தெரிவித்திருக்கிறது. பிசினஸ் கணக்குகளுடன் பயனர்கள் செய்யும் உரையாடல்கள் ஃபேஸ்புக் சர்வர்களில்தான் சேகரிக்கப்பட வாய்ப்புகள் உள்ளன. இதைத்தான் ஃபேஸ்புக்குடன் பகிரப்போகிறது வாட்ஸ்அப். இது விளம்பரங்கள் காட்டப் பயன்படுத்தப்படும் எனத் தெரிகிறது. புதிய பிசினஸ் வசதிகளையும் விரைவில் அறிமுகம் செய்யவிருக்கிறது வாட்ஸ்அப். அதற்காகத்தான் அவசர அவசரமாக அதன் பிரைவசி கொள்கைகளை மாற்ற முயற்சி செய்துவருகிறது.

இது குறித்து வாட்ஸ்அப்பின் செய்தி!

“The update includes new options people will have to message a business on WhatsApp, and provides further transparency about how we collect and use data. While not everyone shops with a business on WhatsApp today, we think that more people will choose to do so in the future and it’s important people are aware of these services,”

நன்றி விகடன்

Read More
Signal

முடங்கிய சிக்னல் செயலி: படையெடுக்கும் புதிய பயனர்கள்

வாட்சாப் செயலியை போன்று செய்தி, படங்கள், காணொளியைப் பகிரும் செயலியான சிக்னலை, பல லட்சம் புதிய பயனர்கள் பயன்படுத்தத் தொடங்கியதால், நேற்று (ஜனவரி 15) தொழில்நுட்ப ரீதியாக சில சிக்கல்களைச் சந்தித்ததாக தன்னுடைய அதிகாரபூர்வ ட்விட்டர் பக்கத்தில் அந்த நிறுவனம் குறிப்பிட்டுள்ளது.

நேற்று சில மணி நேரங்களுக்கு செல்போன் மூலமாகவோ அல்லது கணிணி மூலமாகவோ யாரையும் தொடர்புகொள்ள முடியவில்லை என சில சிக்னல் பயனர்கள் தெரிவித்துள்ளனர்.

கடந்த வாரத்தில் வாட்சாப் செயலி புதிய தனியுரிமை கொள்கையை கொண்டு வந்ததிலிருந்து, சிக்னலை நோக்கி படையெடுப்பவர்களின் எண்ணிக்கை அதிவேகமாக உயர்ந்து வருகிறது.

“இதுவரை வரலாறு காணாத வகையில் எங்களின் சர்வர்களின் அளவை அதிகரித்திருக்கிறோம். எங்களின் சேவையை மீண்டும் பழைய நிலைக்குக் கொண்டு வர பணியாற்றி வருகிறோம்” என சிக்னல் தன் ட்விட்டர் பக்கத்தில் குறிப்பிட்டிருக்கிறது

“லட்சக்கணக்கான புதிய பயனர்கள் தங்களின் தனியுரிமை முக்கியம் என்கிற செய்தியை வெளிப்படுத்தி இருக்கிறார்கள்” எனவும் சிக்னல் தன் ட்விட்டர் பக்கத்தில் குறிப்பிட்டிருக்கிறது.

வாட்சாப் செயலியின் புதிய விதிமுறைகளின் காரணமாக பயனர்களுக்கு ஏற்பட்ட அதிருப்தியால், டெலிகிராம் மற்றும் சிக்னல் போன்ற மற்ற செயலிகள் பயனடைந்து வருகின்றன.

வாட்சாப்பை தொடர்ந்து பயன்படுத்த வேண்டுமென்றால், ஃபேஸ்புக்குடன் தரவுகளைப் பகிர்ந்து கொள்ள, பயனர்கள் சம்மதிக்க வேண்டும் எனக் கூறியது வாட்சாப் நிறுவனம்.

இந்த விதிமுறை பிரிட்டன் மற்றும் ஐரோப்பிய ஒன்றியத்துக்கு பொருந்தாது. இருப்பினும் இந்த விவரத்தை அனைவருக்கும் அனுப்பியது வாட்சாப்.

ஃபேஸ்புக்குக்கு தன் தரவுகளைக் கொடுப்பது ஒன்றும் புதிதல்ல என்றும், அதை விரிவாக்கமாட்டோம் எனவும் அழுத்தமாகக் கூறி வருகிறது வாட்சாப்.

ஆரம்பத்தில் பிப்ரவரி 8-ம் தேதிக்குள் இந்த புதிய தனியுரிமை கொள்கையை ஏற்றுக் கொள்ள வேண்டும் என்றது வாட்சாப். ஆனால் தற்போது இந்த கடைசி தேதியை மே 15-ம் தேதி வரை ஒத்தி வைத்திருக்கிறது. இந்த விவகாரம் தொடர்பாக ஒரு குழப்பம் நிலவுவதாகவும், அதை தீர்க்க, இந்த கூடுதல் கால கட்டத்தைப் பயன்படுத்துவோம் என்றும் வாட்சாப் கூறியுள்ளது.

“எங்களால் (வாட்சாப் மற்றும் ஃபேஸ்புக்) உங்களின் தனி நபர் செய்திகளை பார்க்கவோ அல்லது நீங்கள் பேசும் அழைப்புகளை கேட்கவோ முடியாது” என வாட்சாப் செயலி தன் வலைப்பூவில் குறிப்பிட்டுள்ளது.

வாட்சாப் தன் தனியுரிமை கொள்கை மாற்றங்களைக் கொண்டு வருவதற்கு முந்தைய வாரம் சிக்னல் செயலியை சராசரியாக 2.46 லட்சம் பேர் பதிவிறக்கம் செய்திருந்தனர். ஆனால் வாட்சாப்பின் கொள்கை வெளியான அடுத்த வாரம் 88 லட்சமாக பதிவிறக்கங்கள் உயர்ந்துள்ளதாக சென்சார் டவர் என்கிற தரவு பகுப்பாய்வு நிறுவனம் கூறுகிறது.

குறிப்பாக, இந்தியாவில் சிக்னல் பதிவிறக்கங்கள் 12,000-ல் இருந்து 27 லட்சமாகவும் அதிகரித்திருக்கிறது. பிரிட்டனில் 7,400-ல் இருந்து 1.91 லட்சமாகவும், அமெரிக்காவில் 63,000-த்திலிருந்து 11 லட்சமாகவும் அதிகரித்திருக்கிறது.

கடந்த புதன்கிழமை, உலக அளவில் டெலிகிராமின் ஆக்டிவ் பயனர்களின் எண்ணிக்கை 50 கோடியை கடந்துவிட்டதாகக் கூறியது அந்நிறுவனம். வாட்சாப்பின் புதிய கொள்கை வருவதற்கு முந்தைய வாரம் 65 லட்சமாக இருந்த பதிவிறக்கங்களின் எண்ணிக்கை, அதன் பிறகு 1.1 கோடியை தொட்டிருக்கிறது.

இதே காலகட்டத்தில், வாட்சாப் செயலியின் பதிவிறக்கங்களின் எண்ணிக்கை 1.13 கோடியிலிருந்து 92 லட்சமாக குறைந்திருக்கிறது.

நன்றி BBC
Read More
Queen & Prince

இங்கிலாந்து ராணி மற்றும் இளவரசர் பிலிப் இருவருக்கும் முதலாவது கோவிட் தடுப்பூசி வழங்கப்பட்டது

இங்கிலாந்து ராணி மற்றும் இளவரசர் பிலிப் இருவருக்கும் முதலாவது  கோவிட் தடுப்பூசி வழங்கப்பட்டிருப்பதாக பக்கிங்காம் அரண்மனை உத்தியோக பூர்வ அறிவிப்பை வெளியிட்டிருக்கின்றது.

அரச ஜோடிக்கு வின்ட்சர் கோட்டையில் வைத்து அரச குடும்பத்துக்காக வைத்தியர் ஒருவரால் இந்த தடுப்பூசி வழங்கப்பட்டிருக்கின்றது.

94 வயதாகும் அரசி மற்றும் 99 வயதாகும் இளவரசர் இருவரும் அரசாங்க விதிகளின் படி தடுப்பூசி பெற்றுக்கொள்ளும் வயதெல்லையில் இருப்பதன் காரணமாகவே இந்த தடுப்பூசி வழங்கப்பட்டிருப்பதாக உத்தியோக பூர்வ செய்திகள் தெரிவிக்கின்றன .

அரச குடும்பத்து தனிநபர் ஆரோக்கியம் சம்பந்தமான செய்திகள் இதுவரை வெளியாகி இருக்காத நிலையில் அரசாங்க பேச்சாளர் எதற்க்காக இந்த அறிவிப்பை வெளியிட்டார் என்பது பலராலும் உன்னிப்பாக நோக்கப்பட்டது.

அரசகுடும்பத்துக்கு தடுப்பூசி முன்னிலைப்படுத்தப்பட்டு வழங்கப்பட்டது தொடர்பாக தவறான தகவல்கள் வெளியாவதையும், தேவையற்ற ஊகங்கள் பரவுவதையும் தவிர்ப்பதற்க்காகவுமே இந்த உத்தியோகபூர்வ அறிவிப்பு வழங்கப்பட்டிருப்பதாக மேலதிக தகவல்கள் தெரிவித்தன.

ஆனால் அவர்களுக்கு வழங்கப்பட்டது எந்த வகையான தடுப்பூசி என்ற விபரத்தை வெளியிட பேச்சாளர் விரும்பவில்லை என அந்த அறிக்கை தெரிவிக்கின்றது.

ஏறத்தாழ 1.3 மில்லியன் மக்களுக்கு இதுவரை முதலாவது  கொவிட் தடுப்பூசி வழங்கப்பட்டிருப்பதாகவும், இது மிகவும் வயதான, இலகுவில் பாதிப்புக்கு உள்ளாககூடிய சனத்தொகையில் கால்வாசியை மட்டுமே உள்ளடக்குவதாக அரசாங்க தரவுகள் தெரிவிக்கின்றன.

Read More
FB Mark, Instagram, Whatsapp

சரிகிறதா மார்க் சக்கர்பெர்க் சாம்ராஜ்யம்… இன்ஸ்டாகிராம், வாட்ஸ்அப் இல்லாமல் என்னவாகும் ஃபேஸ்புக்?.

இன்று ஒரு சந்தையில் நிறுவனங்களுக்கிடையே ஆரோக்கியமான போட்டியை உறுதிப்படுத்தக் கிட்டத்தட்ட அனைத்து நாடுகளிலுமே சட்டங்கள் அமலில் இருக்கின்றன. இவை ‘Antitrust’ சட்டங்கள் என அழைக்கப்படுகின்றன. சில நிறுவனங்கள் ஒரு சந்தையில் அதற்கு இருக்கும் ஆதிக்கத்தை வைத்து வளர்ந்துவரும் போட்டி நிறுவனங்களை ஒடுக்குவது, இடையூறுகள் கொடுப்பது போன்றவை நடக்கக்கூடாதென இந்த சட்டங்கள் இயற்றப்பட்டன. ஒவ்வொரு நாட்டிலும் இதைக் கண்காணிக்க அரசு அமைப்புகள் நிறுவப்பட்டிருக்கின்றன. இந்தியாவில் Competition Commission of India ஆணையம் இதற்குத்தான் இருக்கிறது. ஆனால், தொடர்ந்து பெரிய டெக் நிறுவனங்கள் இது போன்ற சட்டங்களை மீறுகின்றன, போட்டி நிறுவனங்களை நசுக்குகின்றன என்ற குற்றச்சாட்டு சில வருடங்களாகவே வைக்கப்பட்டுவருகிறது. இதை அமெரிக்கா காங்கிரஸ் ஒரு குழு அமைத்து விசாரிக்கவும் தொடங்கியது.

பிரைவசி பஞ்சாயத்துகளில் ஆரம்பித்துத் தொடர்ந்து பல சர்ச்சைகளில் சிக்கிக்கொண்டுதான் இருக்கிறது ஃபேஸ்புக். ஆனால், இப்போது வைக்கப்பட்டிருக்கும் குற்றச்சாட்டு என்பது மொத்தமாகவே ஃபேஸ்புக்கை காலி செய்யும் ஆபத்து இருக்கிறது!

கடந்த ஜூலை மாதம் ஃபேஸ்புக், அமேசான், கூகுள், ஆப்பிள் ஆகிய நிறுவனங்களின் CEO-க்களை ஒரே நேரத்தில் அழைத்து இதுகுறித்து சரமாரியான கேள்விகள் கேட்டது அமெரிக்கா காங்கிரஸ். மொத்தமாக ஓர் ஆண்டுக்கும் மேலான விசாரணைக்குப் பிறகு அறிக்கை ஒன்றும் சமர்ப்பிக்கப்பட்டது. அதில் இந்த நான்கு நிறுவனங்களுமே போட்டியை விரும்பவில்லை. போட்டி நிறுவனங்களை ஒடுக்கப் பல செயல்பாடுகளில் ஈடுபட்டுள்ளன எனத் தெரிவிக்கப்பட்டிருந்தது. இதற்குப் பின் நீதித்துறை மற்றும் 11 மாகாணங்கள் கூகுள் மீது அக்டோபர் இறுதியில் வழக்கு தொடர்ந்தது. இணையத் தேடல் சந்தையில் தனிப்பெரும் நிறுவனமாக இருக்கக் கூகுள் ‘Antitrust’ சட்டங்களை மீறும் பல செயல்களில் ஈடுபட்டிருக்கின்றன என்றது அந்த அறிக்கை. இது பெரும் டெக் நிறுவனங்களின் ‘Monopoly’-க்கு எதிரான முதல் முக்கிய நடவடிக்கையாகப் பார்க்கப்பட்டது.

இப்போது இன்னும் கடுமையான வழக்குகள் ஃபேஸ்புக் மீது தொடுக்கப்பட்டிருக்கின்றன. Federal Trade Commission (FTC)-ம் 46 மாகாண அரசுகளும் ஃபேஸ்புக் மீது வழக்குகள் தொடுத்திருக்கின்றன. Antitrust சட்டங்களை மீறிய ஃபேஸ்புக் நிறுவனத்திடமிருந்து வாட்ஸ்அப், இன்ஸ்டாகிராமை பிரிக்கவேண்டும் என்கின்றன இந்த வழக்குகள். ஃபேஸ்புக் நிறுவனத்திற்கும் சரி மார்க் சக்கர்பெர்க்குக்கும் சரி சர்ச்சைகள் ஒன்றும் புதிதல்ல. பிரைவசி பஞ்சாயத்துகளில் ஆரம்பித்துத் தொடர்ந்து பல சர்ச்சைகளில் சிக்கிக்கொண்டுதான் இருக்கிறது ஃபேஸ்புக். ஆனால், இப்போது வைக்கப்பட்டிருக்கும் குற்றச்சாட்டு என்பது மொத்தமாகவே ஃபேஸ்புக்கை காலி செய்யும் ஆபத்து இருக்கிறது.

 

சரி, அப்படி என்ன செய்தது ஃபேஸ்புக்?

“Copy, Acquire, Kill” என்ற யுக்தியை ஃபேஸ்புக் கையாண்டதாகக் கூறப்படுகிறது. அனைத்தும் 2012-ல் இன்ஸ்டாகிராமை ஃபேஸ்புக் கைப்பற்றியதிலிருந்துதான் தொடங்குகிறது. மக்கள் மத்தியில் பிரபலமடைந்து வந்த இன்ஸ்டாகிராமை அச்சுறுத்தலாக எண்ணியே அதை வாங்கியது ஃபேஸ்புக் என்கிறது விசாரணை அறிக்கை. மார்க் மற்றும் பிற ஊழியர்களின் மின்னஞ்சல் உரையாடல்களை வைத்துப் பார்த்தால் இன்ஸ்டாகிராமை குறிவைத்து அதன் மீது அதிக அழுத்தம் கொடுத்தே அதை ஃபேஸ்புக் வாங்கியிருப்பதாகத் தெரிவிக்கிறது அந்த அறிக்கை. இது மட்டுமல்லாமல் இன்ஸ்டாகிராமை வாங்கியவுடன் வேண்டுமென்றே அதன் வளர்ச்சியை தடுத்து, ஃபேஸ்புக்கிற்கு போட்டியாக இல்லாத வண்ணம் இன்ஸ்டாகிராம் மாற்றியமைக்கப்பட்டது என்றும் கூறுகிறது. இதுகுறித்து இன்ஸ்டாகிராம்மின் மூத்த முன்னாள் ஊழியர்களுள் ஒருவர் காங்கிரஸில் வாக்குமூலம் அளித்துள்ளார். இன்ஸ்டாகிராமை விற்க மறுத்திருந்தால் அதே போன்ற ஒரு சேவையை ஆரம்பித்து இன்ஸ்டாகிராமுக்கு இன்னும் நெருக்கடி ஃபேஸ்புக் கொடுத்திருக்கும் என்றும் தெரிவிக்கப்பட்டிருக்கிறது. போட்டியை நசுக்கி சந்தையில் தனிப்பெரும் சக்தியாக இருக்க வேண்டும் என்பதே ஃபேஸ்புக் குறிக்கோள் என்கிறது இந்த அறிக்கை. குடியரசு கட்சி, ஜனநாயக கட்சி என இரண்டு கட்சிகளுமே இணைந்தே இந்த நடவடிக்கையை மேற்கொண்டுள்ளன.

ஆனால், இவை இரண்டுமே போட்டியை நசுக்கும் நோக்கத்தில் ஃபேஸ்புக் செய்த ஒப்பந்தங்கள்தான் என்கிறது FTC. இதனால்தான் வழக்கில் இந்த இரண்டு நிறுவனங்களையும் ஃபேஸ்புக்கிடமிருந்து பிரிக்க வேண்டும் எனக் குறிப்பிட்டுள்ளது. உடனடியாக இதில் எந்த முடிவுகளும் எடுக்கப்பட வாய்ப்பில்லை. சட்ட அளவிலேயே பல மாற்றங்கள் கொண்டுவரப்பட்டால்தான் இது சாத்தியப்படும். இருந்தும் ஃபேஸ்புக் பிரிக்கப்படவேண்டும் என்ற விருப்பத்தைத் தெரிவித்திருப்பதுடன் முதல் கட்ட நடவடிக்கையையும் FTC எடுத்திருப்பது ஃபேஸ்புக்கிற்கு பெரும் பின்னடைவாகப் பார்க்கப்படுகிறது. புதன் அன்று பங்குச்சந்தையில் சுமார் 4% வீழ்ச்சியை சந்தித்தது ஃபேஸ்புக்.

இப்படி இன்ஸ்டாகிராமும், வாட்ஸ்அப்பும் ஃபேஸ்புக்கிடமிருந்து பறிக்கப்பட்டால் என்ன நடக்கும்?

போட்டி நிறுவனத்தை காலி செய்வது ஒரு முக்கிய காரணம் எனச் சொல்லப்பட்டாலும் ஃபேஸ்புக் இந்த நிறுவனங்களை வாங்கியதற்குப் பின் இன்னும் சில யுக்திகளும் இருக்கின்றன. சமூக வலைதளங்களை பொறுத்தவரையில், ஒன்று அனைவரும் பயன்படுத்துவார்கள், இல்லை யாருமே கண்டுகொள்ள மாட்டார்கள் என அறிந்தவர் மார்க் சக்கர்பெர்க். எப்படியும் ஃபேஸ்புக்கின் வளர்ச்சி குறையும், மொத்தமாக மக்கள் ஃபேஸ்புக்கை புறக்கணிக்கும் நாள் கூட வரலாம். அப்போது மக்கள் தேடும் மாற்று தன்னிடமே இருக்க வேண்டும் என எண்ணினார் மார்க். அந்த நோக்கில்தான் இன்ஸ்டாகிராம் மற்றும் வாட்ஸ்அப்பை வாங்கினார். இந்த முதலீடுகளால் பலன்களைப் பெறவும் ஆரம்பித்துவிட்டது ஃபேஸ்புக்.

எந்த நிறுவனமும் இருக்கும் இடத்திலேயே இருந்தால் மதிப்பு கிடையாது. வளர்ச்சியைக் காட்டினால்தான் முதலீட்டாளர்களை தக்கவைத்துக்கொள்ள முடியும். அப்படி ஃபேஸ்புக்கை மட்டும் வைத்து இனி வளர்ச்சியை மார்க் சக்கர்பெர்க்கால் காட்ட முடியாது. காரணம், விளம்பரங்களிலிருந்துதான் ஃபேஸ்புக் வருமானம் பார்க்கிறது. ‘இதற்கு மேல் விளம்பரம் போடனும்னா ஸ்டேட்டஸ்க்கு நடுவுலதான் போடனும்’ எனச் சொல்லும் அளவுக்குக் கிடைக்கிற இடங்களில் எல்லாம் ஃபேஸ்புக் விளம்பரங்கள் காட்டி வருகிறது. இன்னும் கொஞ்சம் அதிக விளம்பரங்கள் போட்டால் மொத்தமாகப் பயனர் அனுபவமே மோசமாகி விடும் என்ற சிக்கலில் இருக்கிறது ஃபேஸ்புக். கிட்டத்தட்ட எல்லா நாடுகளிலும் ஃபேஸ்புக் ஊடுருவியும் விட்டது, முடிந்தளவு பயனாளர்களைக் கைப்பற்றிவிட்டது. இதற்கு மேல் புதிதாகச் சேர்க்கவும் போதிய வாடிக்கையாளர்கள் சந்தையில் இல்லை. ஃபேஸ்புக்கில் கூடுதல் வருமானம் ஈட்ட மார்க் போட்ட ‘Marketplace’ போன்ற திட்டங்களும் பெரிதாக எடுபடவில்லை. வீடியோக்களில் அதிக விளம்பரங்கள் போட்டு வருமானத்தைப் பெருக்கலாம் என முயற்சி செய்து பார்த்தார்கள் அது பயனர்களுக்குப் பிடிக்கவில்லை. அதனால் இப்போது வருமான வளர்ச்சி என்பது மொத்தமாகவே இன்ஸ்டாகிராமிலிருந்து வருவதுதான்.

நேரடியாக படங்கள்/வீடியோக்களிலிருந்து பொருட்களை வாங்கும் ஷாப்பிங் வசதிகளை அறிமுகம் செய்துவருகிறது இன்ஸ்டாகிராம். தீவிர முயற்சியால் இன்று பல நிறுவனங்களும் தங்களது சேவைகள்/தயாரிப்புகளை மக்களிடம் சேர்க்க இன்ஸ்டாவில்தான் அதிக விளம்பரங்கள் தருகின்றன. இன்ஸ்டாவில் விளம்பரம் தர வேண்டுமென்றால் ஃபேஸ்புக்கில் பக்கம் ஒன்று தொடங்கியிருக்க வேண்டும் என ஒரே கல்லில் இரண்டு மாங்காய் அடித்துக்கொண்டிருக்கிறது ஃபேஸ்புக். 2019-ல் இன்ஸ்டாவிலிருந்து மட்டும் 20 பில்லியன் டாலர் வருமானம் பார்த்திருக்கிறது ஃபேஸ்புக். இதன் மொத்த வருமானத்தில் இது 29%. இந்த வருடம் இன்ஸ்டாகிராமிலிருந்து சுமார் 28.1 பில்லியன் டாலர் வருமானம் கிடைக்கும் எனக் கணிக்கிறது EMarketer எனும் ஆய்வு நிறுவனம். இது ஃபேஸ்புக்கின் மொத்த வருமானத்தில் 37% இருக்கும் என எதிர்பார்க்கப்படுகிறது. அதாவது இந்த வருடம் ஃபேஸ்புக்கின் வருமான வளர்ச்சியில் இன்ஸ்டாகிராமின் 8.1 பில்லியன் டாலர் வளர்ச்சி மிகப் பெரிய பங்காக இருக்கும்.

வாட்ஸ்அப் பொறுத்தவரையில் இன்னும் அதிலிருந்து எந்த வருமானமும் பார்க்கத் தொடங்கவில்லை ஃபேஸ்புக். ஆனால், விரைவில் பணம் காய்க்கும் மரமாக வாட்ஸ்அப்பும் மாறும் என எதிர்பார்க்கிறது ஃபேஸ்புக். ஏற்கெனவே பல நிறுவனங்கள் வாடிக்கையாளர்களை சென்று சேர வாட்ஸ்அப் பிசினஸ் வசதியைப் பயன்படுத்த ஆரம்பித்திருக்கின்றன. விரைவில் முக்கிய நாடுகளில் வாட்ஸ்அப் பே என்னும் பண பரிவர்த்தனை சேவையும் வாட்ஸ்அப்புடன் இணையப்போகிறது. டெக் நிறுவனங்கள் அனைத்துமே இந்தியாவைத்தான் வளர்ந்து வரும் மிக முக்கிய இணையச் சந்தையாகப் பார்க்கின்றன. சீன நிறுவனங்களுக்கு முன்பு இங்கு கால்பதிக்க வேண்டும் என்பதில் குறியாக இருக்கின்றன. ஜியோவுடன் ஃபேஸ்புக் கூட்டணி அமைத்தது இதனால்தான். இந்த கூட்டணியில் வாட்ஸ்அப்தான் மிக முக்கிய பங்காற்றப்போகிறது. 

நன்றி விகடன்

Read More

விசேட சோதனை நடவடிக்கைகளை முன்னெடுக்கவுள்ள காவல்துறை..!


ஊரடங்கு உத்தரவை மீறுவோரை கைது செய்யும் விசேட சோதனை நடவடிக்கைகளை முன்னெடுக்கவுள்ளதாக காவல்துறையினர் தெரிவித்துள்ளனர்.

அதன்படி, குறித்த விசேட சுற்றிவளைப்பு நடவடிக்கைகள் நாளை (01) மற்றும் நாளை மறுதினம் (02) மேற்கொள்ளப்படவுள்ளதாக பிரதி காவல்துறைமா அதிபர் அஜித் ரோஹன தெரிவித்துள்ளார்.

Read More

பாதிக்கப்பட்டோரும் ஊடகவியலாளர்களும் கிழக்கு மாகாண ஊடகவியலாளர்களுடனான DATA அமைப்பின் சந்திப்பு(22.02.2020)

பாதிக்கப்பட்டோர் குறித்தான ஆழமான புரிந்துணர்வும் அவர்களின் தேவைகள் குறித்து பரந்துபட்ட அளவில் விவாதங்கள் நடாத்தப்பட வேண்டும் என்ற நோக்கோடு கிழக்கு மாகாணத்தின் தமிழ் ஊடகவியலாளர்களை தமிழ் மாற்றுத்திறனாளிகள் அமைப்பு சனிக்கிழமை (20.02.2020) மட்டக்களப்பில் சந்தித்தது.

பாதிக்கப்பட்டவர்களின் புள்ளிவிபரங்கள்

  1. கிழக்கு மாகாணத்தில் பாதிக்கப்பட்டுள்ள மக்களுடைய புள்ளிவிபரம் என்ன?
  2. மாற்றுத்திறனாளிகளின் எண்ணிக்கை என்ன?
  3. பெண் தலைமைத்துவக் குடும்பங்களின் எண்ணிக்கை என்ன?
  4. என்ற வினாக்களோடு மட்டுமல்லாது பெற்றோரை இழந்த குழந்தைகளின் ஒட்டுமொத்த விபரங்கள் எவை?
  5. பிள்ளைகளை இழந்த பெற்றோரின் விபரங்கள் என்ன?

என்பது பற்றி பொதுவான கலந்துரையாடல் மேற்கொள்ளப்பட வேண்டுமென்று DATA அமைப்பினர் ஊடகவியலாளர்களிடம் வேண்டுகோள் விடுத்தனர்.

போரின் போதும் போரின் பின்னரான காலப் பகுதிகளிலும் பாதிக்கப்பட்டோரது பல்வேறு பிரச்சினைகளை வெளிக்கொண்டு வருவதில் ஊடகங்கள் பெரும் பங்காற்றி இருக்கின்றன.

அந்த ஊடகங்கள் பாதிக்கப்பட்டவர்களோடு இன்னும் நெருக்கமாக இணைந்து செயற்படக்கூடிய வழிவகைகளை ஆராய்வதும் ஏற்படுத்திக் கொடுப்பதும் இந்த சந்திப்பின் நோக்கமாக அமைந்திருந்தது.

கடந்த சில ஆண்டுகளில் மாற்றுத்திறனாளிகள் அமைப்புகள் பெருமளவு பேசப்பட ஆரம்பிக்கப்பட்டிருப்பதை அவதானிக்க கூடியதாக இருக்கின்றது.

ஆனால் பெண் தலைமைத்துவ குடும்பங்களுக்கான அமைப்புக்கள், முதியோர்களுக்கான அமைப்புகள் போன்றவை இன்னமும் பெரிதாக பேசப்படவில்லை என்ற பொதுவான கருத்து இருக்கின்றது

பாதிக்கப்பட்ட சமூகத்திற்கான கொள்கை உருவாக்கம்

மாற்றுத்திறனாளிகள் குறித்து இந்த சமூகம் எவ்வாறான கொள்கையை வகுத்துள்ளது

அதே போல ஏனைய பாதிப்புக்குள்ளானவர்களுக்காக இந்த சமூகத்தின் கொள்கைகள் எவ்வாறு அமையப் போகின்றது என்ற கேள்விகள் தற்போதைய காலநிலையில் கேட்கப்பட வேண்டியதாக அமைகின்றது.

பாதிக்கப்பட்டோருக்கான கொள்கைகள் வகுக்கப்பட்டு அவர்களுக்கு வழங்கப்படும் உதவிகள், அவர்களை நோக்கி செயல்படுத்தப்படும் திட்டங்கள், பரந்துபட்ட அளவில் அனைவருக்கும் கிடைக்கக்கூடியவாறு செயல்படுத்தப்பட வேண்டும் என்ற பொதுவான கோரிக்கை பாதிக்கப்பட்டவரிடம் இருக்கின்றது.

இந்த பணிகளில் ஊடகவியலாளர்களும் இணைந்து கொள்ள வேண்டும் என்றும் கலந்துரையாடலில் வலியுறுத்தப்பட்டிருந்தது.

தமிழ் மாற்றுத்திறனாளிகள் விளையாட்டுப் போட்டி

மாற்றுத்திறனாளிகளை பேசுபொருளாக கொண்டுவர வேண்டும் என்ற நோக்கோடு தமிழ் பரா விளையாட்டு விழா கடந்த 2016 ஆம் ஆண்டு முதல் நடாத்தப்பட்டு வருகின்றன.

மீண்டும் 2020ஆம் ஆண்டு தமிழ் மாற்றுத்திறனாளிகள் விளையாட்டு விழா கிழக்கு மாகாண விளையாட்டுப் போட்டிகள் மட்டக்களப்பு மாவட்டத்திலும், வடக்கு மாகாண விளையாட்டுப் போட்டிகள் யாழ்ப்பாணத்திலும் நடைபெற ஏற்பாடாகி இருக்கின்றது.

இக் கலந்துரையாடலில் அம்பாறை மட்டக்களப்பு, திருகோணமலை ஆகிய மாவட்டங்களிலிருந்து ஊடகவியலாளர்கள் கலந்து கொண்டமை குறிப்பிடத்தக்கதாகும்.

Read More

இவ்வருட இசைச் சமர் வரும் மார்ச் 14 ஆம் திகதி இடம்பெறும்

பாதிக்கப்பட்டோருக்கான உதவிகளுக்கு கரம் கொடுக்க வருடாவருடம் நடை பெறும் இசை சமர் 2017 ,2018 ,2019 ஆகிய ஆண்டுகளில் இடம்பெற்றது .

இந்த ஆண்டு ( 2020 ) வரும் மார்ச் 14 ஆம் திகதி 26 போட்டியாளர்கள் பங்குபற்றலுடன் இலண்டனில் இடம்பெறவுள்ளது .

இந்த போட்டிமூலைம் இசை கலைஞர்கள் ஊக்கப்படுத்தப்படுவதுடன் பாதிக்கப்படடவர்களுக்கும் நன்மை ஏற்படுத்தி கொடுக்கப்படுகிறது .

Read More
TPS 2018

20 நிமிடம் எமக்காக இதைப்பாருங்கள் – Tamil Para Sports

தமிழ் மாற்றுத்திறனாளிகள் விளையாட்டு விழா ஒரு திருவிழாதான். மகிழ்வான இந்த விழா மாற்றுத்திறனாளிகளினால் நடாத்தப்படுகின்றது.

நாங்கள் வலியோடு வாழப்பழகியவர்கள், பல சாதனையாளர்கள் உருவாகியிருக்கின்றார்கள். மகிழ்ச்சிதான் சாதிக்கத்துடிக்கும் திறனாளிகள் சார்பாகத்தான் பேசுகின்றேன்.

ஆனாலும் , உழைக்கும் வலுவும் இழந்து , உதவிகளும் அற்று தெருவோரம் யாசித்து நிற்கும் மாற்றுத்திறனாளிகளும் எம் சமூகத்தில் இன்னமும் இருக்கிறார்கள் , அழுத்தப்புண்ணும் , மனப்புண்ணும் ஆற்றொணாத்துயரமாய், ஊணோடு உயிரை உருக்க, அழுந்தி அழுந்தி மாண்டு போகும் திறனாளிகளுக்காகவும் நான் இங்கு பேசுகின்றேன்.

இன்னமும் பேச வேண்டும்

Read More
Sajiraani

அகதிமுகாமில் அப்பம் சுட்டு ஆரம்பித்து, அப்பள கம்பெனி ஆகிய கதை…

பெண் தலைமைத்துவ குடும்ப சாதனையாளர் திருமதி கி சஜிராணி

அகதிமுகாமில் அப்பம் சுட்டு ஆரம்பித்து, அப்பள கம்பெனி ஆகிய கதை…

அகதிமுகாமுக்குள் தொடங்கிய சிறு வியாபாரம் இன்று 16 பேருக்கு வேலை கொடுத்து பெருகும் முயற்சில் DATAவும் பங்கெடுக்கிறது.

மாற்றுத்திறனாளிகளுக்கும் தொழில் வாய்ப்புக்கள்…

Read More